(1 Comment)
This is my 1st day in Kyushu. Looking forward to visiting the rural part of the island. I like hot springs, the traditional stuffs, the countryside and the seaside.
Posted In: 生活點滴
還記得3年幾前，油價仲係大概10個幾1 litre的時候，我都已經覺得貴．今時今日，油價已經$15.09，升左差不多50%，升幅真係驚人．政府可唔可以考慮減下油稅呢~~
Posted In: 車主樂與苦
整體來說，我覺得呢套戲ok，唔係淨係得慘情，都有ｄ笑位，但係拖得長左少少．如果節奏明快少少就更好喇．最surprise係見到在Supernatural Season 1中飾演Dean同Sam個亞爸的Jeffrey Dean Morgan，呢個角色同Supernatual中的形象都相差幾遠，感覺除左好man之外，仲有少少gentle feeling．講開Supernatual，唔知幾時有Season 3睇呢，已經等左好耐了．
Posted In: 電影評論
上月尾的某星期五，老師話唔洗上日文，我地於是同老師一行５人去左位於銅鑼灣蘭芳道的一番晚飯．我仲飲左自製sawa，即係用少少燒酌，soda water同埋green apple syrup溝埋．味道唔錯架．
我地首先食sashimi，好新鮮，有ｄ仲係入口即溶的，感覺實在太好了．
最令人感動的係海膽，非常肥美甘甜，我都係第一次將咁大舊海膽一啖放入口．
其他的燒物都唔錯呀．我地當然食左唔止下圖咁少啦．hoho~~
最後仲食左我最愛的稻庭烏冬，真的非常滿足．這麼豐富的一餐，每人$400．
不過亦是在晚飯期間，收到媽說舅父病重入院的電話．之後實在吃得有點不安，所以晚飯後便立即趕往醫院．
兩個好好的朋友Ruby同Monica都係二月之星，一定要請她們好好大吃一頓．時間是2008年2日的一個weekday，地點是位於中環新世界大廈的碗屋．雖然Monica今次又係例遲，不過見到她就嬲佢唔落，所以我地仍然是有一個十分歡樂的晚上．連平日好少飲酒的我，都陪佢地飲左一杯梅酒．可惜的是那裡只得Choya這個牌子，質素真係非常一般囉．
碗屋的日式放題，$328/person．我覺得好抵食，又有刺身壽司，又有鐵板燒，仲有日式火鍋．當日的sashimi好新鮮，所以我地叫左兩round，淨係食sashimi都已經好滿足．
食完放題已經好飽，不過當然仲有ｄ驚喜要比佢地啦．我特登去Teresa Festival買左個5″栗子蛋糕，味道唔錯，不過面頭的原粒栗子唔甜呢下就扣左ｄ分喇．
Posted In: 飲飲食食
以前讀書的時候，間中都會做下義工，出黎做野之後就好少做．早兩個月跟同事閒聊時，得知她的教會也有定期舉辦義工活動，如果有興趣非教徒亦歡迎參與．
今日終於抽了時間參與，我跟著我的同事和另一位義工共探訪了４位獨居的公公婆婆．其中兩位更加年屆90高齡．我們主要是跟他們傾下偈，問問他們有什麼需要，還有看看他們的雪櫃有沒有過期食物及爐頭有沒有問題．最搞笑是其中一位９１歲的婆婆只能說福建話，聽得我們一頭霧水，好在我們都能大概估到她說什麼．希望他們繼續健康地活下去，下次再有機會探訪他們．
見到這些獨居的公公婆婆，更加令我覺得要孝順父母，以及每個人的命運真的都很不同．有些有兒女相伴，生活富足，有些則獨個兒生活，簡樸非常．更忽然令我想到，我年老之後會否也是獨居老人呢？好像想得太遠，但光陰似箭，可能這並不是想像那般遙遠的事．無論如何，活好眼前，每一天都是美好的一天．
I go to movies with my parents every lunar new year day since quite a few years ago ‘cos it is my father’s lunar birthday. We watched “Enchanted” at Elements after buffet this year and all of us like this movie very much which I do wish to recommend to friends. For me, besides the lovely musical style, I like the ending the most, which is a happy ending for everyone in the movie. It does spread the message that there is still true love in the world and the good and kind always wins the bad and wicked.
Posted In: 電影評論
呢幾日每一朝都唔想離開個被竇 ，鬧鐘響了仲要賴在床上直到最後一刻，只因好凍．初初以為凍兩日就會暖番，點知係一日比一日凍．雖然話係１０度左右，新界低一兩度，但係我的感覺神經話比我知，我屋企果頭室外地方可能得兩三度，因為我覺得好似早幾年去日本時，站在車站月台上見到個溫度顯示板打出零度時的感覺．最討厭係又濕又凍，就算著左厚厚的褸，我仍然有些由心震出黎的感覺．
香港都咁凍，大陸真係唔知凍成點．好多人仲要露宿於車站等車番鄉下．如果我在上面，我估我應該係第一個凍死果個．唉～～
Posted In: 有感而發
2008年1月19日(星期六)，先把車泊好在東涌西港青基信學校隔離的停車場．日泊$20，抵！然後乘１１號巴士前往大澳．到達大澳剛好11時正．走過了橋，便一路向牙鷹山方向走．上牙鷹山的路頗陡斜，但從山上往下看的風景實在不錯．
上到牙鷹山大約個半小時，再旺深屈道方向走．
前往深屈道，途經羌山．
這是我們要走的路，初初見到都有點嚇一跳．下完山又要上幾個山，oh!!
這應該是石壁水塘罷．
走到深屈道出口剛好下午３時左右．我們再向昂平方向走．
這是在中途見到有點像仙境的景色．
在昂平休息了一會，我們便經石門甲於5時30分回到東涌泊車的地方．整個路程６個半小時，是這季行過最長的路．這路線頗具挑戰性，亦需要耐力去完成，是很好的鍛鍊．
Posted In: 行山樂
媽見蔡瀾在某報介紹這叫浣沙廚房的食肆．我們抱著一試的心態來這裡晚膳，估不到有點意外的驚喜．
裝修十分認真，一入門口便見到一盞很大的水晶燈，感覺十分華麗．
食物的水準很不錯，吃得出是用心造的．
香萶皮蛋豆腐($48)，配生菜包著吃，味道十分好，否則會有點太鹹．
蘿蔔糕蝦($168) - 是這店的招牌菜，絕對值得一試．
把蘿蔔糕蝦的汁塗在蒜香法飽上吃，更是滋味．這裡的例湯($108)亦不錯，喝得出全無味精．
煙燻豉油雞($138半隻) - 造得非常好，雞很滑，煙燻味恰到好處，亦是這店的招牌菜．難怪我見到差不多每枱都點這道菜．
腿茸蒜子浸翡翠苗($78) - 湯底不錯．
我們還吃了蜜汁火腿方，但還未記得影相，便已經把它放進肚子了．
這裡的甜品亦造得非常出色．我們試了圓肉杞子桂花糕，木糠布甸，蜜糖脆蛋散及蛋白杏仁茶．這裡的木糠布甸非常鬆軟，而蛋白杏仁茶則是我覺得最好吃的．
2007年11月26日，母親的生日．她十分喜歡吃蟹，所以帶她跟爸到爸友人極力推介的新鴻基中心海都吃大閘蟹餐．這是我吃過最好吃的大閘蟹餐，果然沒有介紹錯．毋須多用文字說明，只要看相便已說明一切．^_^
好多蟹粉的蟹粉小籠包
東來順光顧過數次，但打邊爐還是第一次．火鍋配料質素好，我們所選的蕃茄湯底($100)也很好味．
這是每人一碗的調味醬．
羊肉（經理推介最嫩的部份）($130)
蔬菜拼盤和蕃茄蛋餃 ($100 & $48)
海鮮拼盤 ($480)
鮮雞件 ($150)
稻庭烏冬 ($80)
可愛甜品（內餡是豆沙蓉，好味！）($39)
Posted In: 飲飲食食
Time flies. It’s X’mas again. Wish everyone of you a very joyful X’mas and a fruitful year of 2008! Remember to share your love and joy.
Posted In: 生活點滴
